Asociación Cultural Arela

Xa están (case) listos. Os cubertos/cobertizos/jalpóns/baixos/placas están case a punto para acoller o Festival de Cans.

Hoxe aproveitamos a mañá festiva para darlles un repasiño e quedaron preparados: buracos tapados (escuridade total!) e cachibaches arrumbados. Claro que os donos/as xa fixeran moito traballo previo, e así quedaron de brillantes. Non hai máis que ver a foto que tedes aí arriba do jalpón friki. A pena é que nos quedaron algúns buraquiños polos que entra algo de luz, pero de aquí a unha semana témolo solucionado.

Así que só falta colocar os bancos, pantallas e proxector e xa temos as salas de cine listas. Este venres vendemos as entradas: ás 21 horas no Fortes e no Liceum. E para a fin de semana que vén, a pasalo ben.